Դավութօղլուն հայտնի լրագրողին ծեծի ենթարկելու մասին հայտարարություն է արել

Թուրքիայի վարչապետ Ահմեդ Դավութօղլուն հայտնի լրագրող Ահմեդ Հաքանի ծեծի ենթարկվելու մասին հայտարարությամբ է հանդես եկել:

Ըստ Hurriyet-ի՝ դատապարտելով լրագրողի վրա իրականացված հարձակումը՝ Դավութօղլուն ասել է. «Ինչ պատճառով էլ հարձակումն իրականացված լինի, բռնությունն անընդունելի է: Առավել ևս լրագրողների դեմ իրականացված ցանկացած գործողություն ես դատապարտում եմ և սխալ գտնում: Ամեն միջոց նախաձեռնվում է՝ պատասխանատուներին ձերբակալելու համար»:

Մնում է հասկանալ՝ Դավութօղլուն տեղյակ չէ՞, որ լրագրողին դաժան ծեծի ենթարկելու մեջ կասկածվողներից երկուսը, պարզվել է, հենց իր ղեկավարած «Արդարություն և զարգացում» կուսակցության անդամ են: Թե՞ նա պարզապես ձևացնում է, թե չգիտի: