Ո՞րն է «Նուբարաշեն»-ում 34-ամյա դատապարտյալի մահվան պատճառը

Հայտնել ենք, որ սեպտեմբերի 25-ի լույս 26-ի գիշերը «Նուբարաշեն» քրեակատարողական հիմնարկում մահացել է ավազակային հարձակաման համար դատապարտված` 34-ամյա Կարեն Ֆիթլջյանը: Քրեակատարողական վարչության հանրային կապերի պատասխանատու Գոռ Ղլեչյանի խոսքով՝ դատապարտյալը նախկինում որևէ հիվանդությունից չի գանգատվել: «Իրեն վատ է զգացել, շտապօգնության բրիգադ են հրավիրել, որոնք էլ արձանագրել են դատապարտյալի մահը»,- նշել էր նա:

Yerkir.am-ի նախնական տեղեկություններով՝ դատապարտյալը նախկինում տառապել է շաքարային դիաբետով, սակայն մահվան պատճառը սրտամկանի կաթվածն է: Նշենք, որ դեպքի կապակցությամբ նշանակվել է դատաբժշկական փորձաքննություն: