«Դեմ եմ»-ի պայքարի իմաստը ո՞րն էր` իրար կողք աղբամաններ շարե՞լը. Տիգրան Կարապետյան

Հայաստանում ոչ ոք էլ մինչև վերջ չի պայքարում. մեկ-երկու օր կանգնում են, հետո հոգնում ու տներով են գնում. լրագրողների հետ հանդիպման ժամանակ ասաց Ժողովրդական կուսակցության ղեկավար Տիգրան Կարապետյանը:

Ըստ նրա` պայքարել` նշանակում է գնալ մինչև վերջ, ոչ թե, նպատակը կիսատ թողած, հանձնվել: «Օրինակ` «Դեմ եմ»-ի ակցիան: Պայքարելու իմաստը ո՞րն էր, որ աղբի արկղներն իրար կողք շարե՞ն: Պետք է մեկ անգամ հավաքվեն ու մնան: Իսկ մարդկանց հետ խոսում էի, ու ինձ ասում էին` մենք երեկոյան կգնանք, երբ հովն ընկնի, վախենում են` մաշկը սևանա: Բուրժուազիա է, էլի, դուրս են գալիս զբոսանքի: Բա տենց պայքար կլինի՞»,- ասաց Կարապետյանը: