Այս պահին Երևանում sett-weather
Փոխարժեքներ 22 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 9 տարի առաջ - 2015-09-22 15:29
Հասարակություն

Ծեծն անընդունելի է. Սուրիկ Խաչատրյան

Ծեծն անընդունելի է. Սուրիկ Խաչատրյան

Արդեն հայտնել ենք, որ ազատամարտիկ Սմբատ Հակոբյանը երեկ երեկոյան ծեծի է ենթարկվել և շտապօգնության մեքենայով տեղափոխվել «Սբ Գրիգոր Լուսավորիչ» բժշկական կենտրոն:

Հիշեցնենք, որ դեռ մեկ տարի առաջ, երբ բոլորը քննադատում էին Սյունիքի մարզպետ Սուրիկ Խաչատրյանին, Սմբատ Հակոբյանը Yerkir.am-ի հետ զրույցում դրական էր արտահայտվել Խաչատրյանի մասին: Այսօր էլ այդ հարցազրույցը ակտիվորեն շրջանառվում է համացանցում:

Փորձեցինք Սուրիկ Խաչատրյանից ճշտել, թե տեղյա՞կ է ծեծից և ի՞նչ կարող է ասել այս ամենի մասին: Սուրիկ Խաչատրյանը նախ նշեց, որ շատ լավ է ճանաչում Սմբատ Հակոբյանին, բայց և հավելեց, որ նրա հետ կատարվածի մասին մեզանից է տեղեկանում: Նա դատապարտեց Հակոբյանի հետ կատարվածը` միաժամանակ ընդգծելով, որ ցանկացած տեսակի ծեծն է անընդունելի: «Ազատամարտիկ կլինի, թե` շարքային քաղաքացի` ծեծն անընդունելի է»,- ասաց մարզպետը:

Երբ ասացինք, որ, Սմբատ Հակոբյանի խոսքով, իրեն ծեծի ենթարկողներից է եղել Ռուբեն Հայրապետյանի թիկնազորի նախկին աշխատակիցը, Խաչատրյանը նշեց. «Չեմ կարծում, որ Ռուբեն Հայրապետյանի շրջապատից որևէ մեկը նման բան կարող է անել: Ես էլ կփորձեմ ճշտել, մի հատ հասկանալ` ինչ է եղել: Իհարկե, կայցելեմ նաև հիվանդանոց»:

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը