Թուրք լրագրողն «ավազակ» է անվանել Էրդողանի կուսակցին

Թուրքիայում հայտնի լրագրող Ահմեդ Հաքանը CNN Turk-ի եթերում խստորեն քննադատել է Թուրքիայի նախագահ Ռեջեփ Թայիփ Էրդողանի կուսակից, պատգամավոր Աբդուրրահիմ Բոյնուքալընին, ով Hurriyet լրատվական գրասենյակի վրա հարձակման մասին տգեղ հայտարարությամբ էր հանդես եկել:

Բոյնուքալընը լրատվական կայքի վրա հարձակումից հետո ասել էր, որ խորհրդարանական ընտրություններից հետո Hurriyet-ն այլևս չի գործելու:

Խոսքն ուղղելով ԱԶԿ պատգամավորին՝ Հաքանն ասել է. «Դու ո՞վ ես, ավազա՞կ ես: Պատգամավորն ինչպե՞ս կարող է նման բան ասել»:

Հիշեցնենք, որ օրեր առաջ Էրդողանի ելույթից հետո 200 հոգանոց խումբը հարձակում էր իրականացրել Hurriyet պարբերականի` Կ.Պոլսի կենտրոնական գրասենյակի վրա՝ վնասելով բազմաթիվ համակարգիչներ: