Մեկնարկեց Նորք-Մարաշում մորը և զույգ երեխաներին վրաերթի ենթարկելու գործը

Կենտրոն և Նորք-Մարաշ վարչական շրջանների ընդհանուր իրավասության դատարանում՝ դատավոր Գագիկ Պողոսյանի նախագահությամբ մեկնարկեց այս տարվա փետրվարի 19-ին Նորք-Մարաշում մորը և զույգ երեխաներին վրաերթի ենթարկելու գործով առաջին դատական նիստը:

Ամբաստանյալի աթոռին Նորքի բնակիչ Ռազմիկ Ավետիսյանն է, ում մեղադրանք է առաջադրվել ՀՀ ՔՕ 242-րդ հոդվածի 2-րդ մասի հատկանիշներով(ճանապարհային երթևեկության կանոնները խախտելն, ինչն անզգուշությամբ առաջացրել է 2 մարդու մահ): Մեղադրական եզրակացության համաձայն՝ Ավետիսյանը, տառապելով Էպիլեպսիա հիվանդությամբ և դրա հետևանքով նախկինում մի քանի անգամ ունենալով գիտակցության կորուստ, գիտակցելով հիվանդության հետևանքով ցանկացած պահի էպինոպայի և գիտակցության կարուստ ունանելու հնարավորությունը, իսկ դրա արդյունքում` իր կողմից օգտագործվող առավել վտանգի աղբյուրի կառավարման անհնարինությունն ու դրա հետևանքով հանրորեն վտանգավոր հետևանքների առաջացման հնարավորությունը և առանց բավարար հիմքերի վերացականորեն հույս ունենալով խուսափել դրանցից, իր անձնական օգտագործման ավտոմեքենան վարել է Արմենակյան փողոցով շուրջ 40 կմ/ժամ արագությամ:

Ավետիսյանը, թույլ տալով Ճանապարհային երթևեկության անվտանգության մասին ՀՀ օրենքի մի շարք հոդվածների խախտումներ` չընտրելով իր վարած ավտոմեքենայի ընթացքի լիարժեք կառավարումն ապահովող ռեժիմ, վրաերթի է ենթարկել Անահիտ Կարապետյանին և վերջինիս որդիներին, ապա ընդհարվել է ցանկապատին, որի հետևանքով որդիներին անզգուշությամբ պատճառել է մահ, իսկ Աննա Կարապետյանին` կյանքին վտանգ սպառնացող ծանր մարմնական վնասվածքներ:

Այսօրվա դատական նիստին չէին ներկայացել մեղադրող դատախազ Չախոյանը և տուժողը: Այսպիսով այսօրվա դատական նիստը հետաձգվեց: