Ի՞նչ պետք է անեն շոգին սիրտանոթային հիվանդություններով տառապողները

Շոգը օրգանիզմի համար լուրջ սթրես է , քանի որ մարդկային օրգանիզմն իրեն լավ է զգում ամենաշատը 26-27 աստիճանի դեպքում: Դա է պատճառը, որ ամռան ամիսներին խոցելի են դառնում սիրտանոթային, մաշկային կամ շաքարային դիաբեդով տառապողները: Այս մասին այսօր լրագրողների հետ հանդպիպման ՀՀ ԱՆ գլխավոր սրտաբան Համլետ Հայրապետյանը:

Վերջինիս խոսքով՝ շոգ եղանակին մեծանում է քրտնարդադրությունը և օրգանիզմն ավելի շատ հեղուկ է կորցնում, որպեսզի կարողանա պահպանել ներքին ջերմությունը: Սիրտանոթային հիվանդություններով տառապողների մոտ հեղուկների կորստի հաշվին արյունը խտանում է և մեծանում է տրոմբոզների առաջացման հավանականությունը: Գլխավոր սրտաբանը խորհուրդ է տալիս սիրտանոթային հիվանդություններով տառապողներին ամռանն ավելի հաճախ դիմել բժիշկներին և նրանց առաջարկած չափով հեղուկ օգտագործել: Հայրապետյանի խոսքով ներկայումս ՀՀ-ում սիրտանոթային հիվանդություններով տառապողների թիվը հասնում է կես մլնի:

Գլխավոր սրտաբանը սակայն հստակ չկարողացավ նշել, թե ամռան այս ամիսներին որքան է ավելացել հիավնդների թիվը, քանի որ ըստ նրա՝ հուլիս-օգոստոս ամիսներին շատերը մեկնում են երիրից և հստակ վիճակագրություն կազմելը դժվար է: Սրտաբանը ցավով արձանագրեց, որ սիրտանոթային հիվանդությունները երիտասարդացման միտում ունեն, փոխարենն ուրախությամբ փաստեց, որ վերջին ամիսների ընթացքում՝ շնորհիվ հունվարի 1-ից գործող պետպատվերի շրջանակներում սրտի անվճար ստենդավորմանը, սրտամկանի ինֆակտի դեպքում հոսպիտալային մահացությունների թիվը զգալիորեն նվազել է: