Ակտիվիստներին առաջարկում է՝ մտնել բանակցությունների փուլ

«Ազգային անվտանգություն» կուսակցության նախագահ Գառնիկ Իսագուլյանը կարծում է, որ հոսանքի դեմ պայքարի առաջին փուլը երիտասարդները կարողացան հրաշալի տանել, և ըստ էության, հաղթել:

«Երիտասարդները 5-6 օրվա ընթացքում հրաշալիորեն կարողացան մոբիլիզացնել հասարակությանը և հասնել նրան, որ իրենց պահանջը բավարարվի: Սերժ Սարգսյանն էլ իրեն վերապահեց ստեղծված իրավիճակում արբիտրի դեր, և շարժումը էմոցիոնալ փուլից մտավ արդեն ինտելեկտուալ փուլ : Անչափ կարևոր է, որ այս ինտելեկտուալ փուլում էլ երիտասարդները կարողանան ճիշտ կողմնորոշվել, որվհետև եթե այս փուլում նրանք չկարողացան մարտավարական քայլերով հաղթանակ տոնել, ապա շատ բարդ է լինելու»,- ասաց Գառնիկ Իսագուլյանը:

Նա կարևորեց աուդիտում ներգրավվել քաղաքացիական շարժման ներկայացուցիչներին, և մտնել բանակցային գործողությունների մեջ, որովհետև ՀՀ նախագահը առաջարկում է ինտելեկտուալ ու բարդ խաղ: «Էմոցիոնալ փուլում երիտասարդները հրաշալի հաղթանակ տարան, մնում է հաղթել ինտելեկտուալ փուլում, որ նրանց մեջ պառակտում չառաջանա, որ շարժումը չդառնա անկառավարելի»,- ասաց նա: