Ցանկանում ենք, որ Սարգսյան-Ալիեւ հանդիպումը չլինի հանդիպում հանդիպման համար. Ուորլիք

ԵԱՀԿ ամերիկացի համանախագահ Ջեյմս Ուորլիքը հարցազրույց է տվել ադրբեջանական Turan գործակալությանը: Հիշեցնենք, որ անցյալ շաբաթ Ուորլիքը այցելել էր տարածաշրջան:

Հարցին՝ ի՞նչ է քննարկվել Բաքվում և Երևանում, Ուորլիքը նշել է, որ երկու երկրների նախագահների հանդիպման հարցը:

«Երկու նախագահներն էլ ասացին, որ ցանկանում են հանդիպել, նրանք համաձայն են ինտենսիվացնել երկխոսությունը, և մենք պետք է օգնենք նրանց այդ հարցում, այնպես անել, որ հաջորդ հանդիպումն արդյունավետ լինի»,- նշել է նա:

Ուորլիքը համաձայան չէ այն կարծիքի հետ, որ բանակցությւոնները փակուղի են մտել: 

« Նախագահները հանդիպել են անցյալ տարի և ամեն անգամ առաջևնթաց է գրանցվել:  Հասել են արդյոք լիարժեք համաձայանության: Ոչ: Այդ իսկ պատճառով կարևոր է շարունակել միջնորդությունը և կազմակերպել նախագահների հանդիպումը»,- նշել է նա: 

Հարցին՝ երբ է հնարավոր նախագահների հանդիպումը, Ուորլիքը ասել է, որ դա պետք է որոշեն նախագահները՝ հույս հայտնելով, որ այն կկայանա այս տարի:

 « Սակայն մենք կցանկանայինք, որ դրական արդյունք լինի, այլ ոչ թե հանդիպում հանդիպման համար: Որ հանդիպումը համապատասխան պատրաստվի, իսկ քննարկվող  հարցերի լուծման հարցում առաջանթաց լինի: Դրա համար մենք մշտապես հանդիպում ենք ԱԳ ղեկավարների հետ: