«Lifenews»-ի լրագրողի պահվածքը Ազատության հրապարակում բարկացրեց ցուցարարին

Երեք օր է` Բաղրամյան պողոտայի ցույցը մեկնաբանում են նաև միջազգային լրատվամիջոցները, որոնց թվում են ռուսական մի քանի լրատվամիջոցներ: Այն, թե ինչպես են լուսաբանում սոցիալական ուղղվածություն ունեցող բողոքի ցույցը, հասարակության լայն զանգվածների մոտ ցասում է առաջացրել, քանի որ որոշ ռուսական լրատվամիջոցներ բողոքի հետևում տեսնում էին նմանություն Ուկրաինայում տեղի ունեցող զարգացումների հետ, մայդանի հետ և այլն:

Քիչ առաջ, երբ ռուսական «Lifenews»-ի թղթակիցը stend-up ֆորմատում լուսաբանում էր ցույցը, մի կին զայրացավ թղթակցի վրա` ասելով, որ սխալ բաներ է խոսում:

«Ոչ մի մայդան էլ չկա, որտե՞ղ եք  Երևանում տեսնում մայդան, որ նման բաներ եք խոսում, պարզապես բավական է սադրեք»,- զայրացավ կինը` նշելով, որ առաջին դեպքը չէ, որ ռուսական լրատվամիջոցները սխալ են մեկնաբանում ամեն ինչ: