Ռուսաստանը հնարավոր է վերադառնա «Մեծ ութնյակ». Պուտին

ՌԴ նախագահ Վլադիմիր Պուտինի կարծիքով` Ռուսաստանը հնարավոր է կրկին միանա «Մեծ ութնյակին». հայտնում է ТАСС-ը՝ վկայակոչելով The Canadian Press-ը:

Երեկ Պետերբուրգի տնտեսական ֆորումի ժամանակ միջազգային առաջատար ԶԼՄ-ների հարցերին պատասխանելիս նա ասել է, որ դա կարող է տեղի ունենալ՝ չնայած Կանադայի սկզբունքային դիրքորոշմանը։ 

«Ես չեմ ուզում որևէ մեկին վիրավորել, սակայն եթե ԱՄՆ-ը ասի, որ Ռուսաստանը պետք է վերադառնա «Մեծ ութնյակ», ապա Կանադայի վարչապետը կփոխի իր դիրքորոշումը», - ասել է Պուտինը:

Հուլիսի սկզբին Կանադայի վարչապետը հայտարարել էր, որ ՌԴ-ն չի վերադառնա «Մեծ ութնյակ», քանի դեռ երկրի նախագահը Պուտինն է: