Վթար Հաղարծինի վանքի մոտ

Փրկարար ծառայությունը հունիսի 6-ին, ժամը 17.00-ին տեղեկատվություն է ստացել, որ Տավուշի մարզի Դիլիջան քաղաքի Հաղարծինի վանքի մոտակայքում տեղի է ունեցել ՃՏՊ. կան տուժածներ:

Դեպքի վայր է մեկնել մեկ մարտական հաշվարկ:

Պարզվել է, որ «Օպել» մակնիշի 35 UТ 776 պ/հ ավտոմեքենան (վարորդ Դ. Մ., ծնվ.1987թ.) դուրս է եկել ավտոճանապարհի երթեւեկելի հատվածից, գլորվել ձորը (մոտ 20 մ) եւ հայտնվել Աղստեւ գետում:

Մինչ հրշեջ-փրկարարների կանչի վայր հասնելը` վարորդ Դ.Մ.-ն եւ ուղեւոր Ա. Գ.-ն (ծնվ. 1987թ.) տեղափոխվել են Դիլիջան քաղաքի ԲԿ. բժիշկները տուժածների առողջական վիճակը գնահատել են ծանր:

Հրշեջ-փրկարարները հոսանքազրկել են ավտոմեքենան եւ փակել գազի փականը:

Հրշեջ-փրկարարները հատուկ տեխնիկայի օգնությամբ ավտոմեքենան դուրս են բերել ճանապարհի երթեկելի հատված: