Դավիթ Մարիկյանը հեռացավ «Շիրակ»-ից

«Շիրակ» ֆուտբոլային ակումբը երկկողմանի համաձայնությամբ խզեց պայմանագիրը 22-ամյա պաշտպան Դավիթ Մարիկյանի հետ:

Մարիկյանը «Շիրակ»-ին էր միացել 2013-ի ձմռանը: Նա «Շիրակ»-ի կազմում անցկացրել է 59 հանդիպում, որոնցից 48-ը` Բարձրագույն խմբի առաջնություններում, 6 գավաթային հանդիպում, 1 անգամ հանդես է եկել սուպերգավաթի խաղարկությունում, ևս 4 հանդիպում անցկացրել է Եվրագավաթներում: Դարձել է 3 գոլի և 3 ինքնագոլի հեղինակ:

«Շիրակ»-ի կազմում Դավիթ Մարիկյանն արժանացել է Հայաստանի չեմպիոնի կոչման (2013), դարձել Հայաստանի Սուպերգավաթակիր (2013), արժանացել Հայաստանի Բարձրագույն խմբի առաջնության արծաթե մեդալի (2014) և բրոնզե մեդալի (2015): Հանդես գալով «Շիրակ» ֆուտբոլային ակումբի կազմում` նա հրավիրվել է երիտասարդական հավաքական: Այս մասին տեղեկացնում է «Շիրակ» ակումբի մամուլի ծառայությունը: