Ալիևը չի մասնակցի Ռիգայի գագաթաժողովին` ի նշան բողոքի

Արդեն հայտնել ենք, որ Ադրբեջանի նախագահ Իլհամ Ալիևը չի մասնակցի Արևելյան գործընկերության անդամ երկրների գագաթաժողովին, որը կանցկացվի Ռիգայում մայիսի 21-22-ը:

Ադրբեջանի նախագահի վարչակազմի ղեկավարի տեղակալ Նովրուզ Մամեդովը հայտնել է, որ Ալիևը  դա անում է` ի նշան բողոքի Ադրբեջանի դեմ տարվող քարոզչական արշավի. հայտնում է АПА-ն:

Մամեդովը նշել է, որ պահանջվել է դադարեցնել Եվրախորհրդարանում մայիսի 12-ին Ադրբեջանի հարցով նշանակված լսումները: Նրա խոսքերով՝ ԵՄ ներկայացուցիչ Մ. Մարդին ասվել է, որ հակառակ դեպքում Ալիևի՝ Արևելյան գործընկերության անդամ երկրների գագաթաժողովին մասնակցելու հարցը հարցականի տակ կդրվի: