Արցախի ԱԺ ընտրություններն անցան միջազգային չափանիշներին համապատասխան. Աբխազիայի պատվիրակության անդամ

ԼՂՀ ԱԺ ընտությունների ընթացքում դիտորդական առաքելություն էր կատարում նաև Աբխազիայից ժամանած պատվիրակությունը:

Yerkir.am-ը զրուցեց պատվիրակության ղեկավար Ավիձբա Փազլիբեյի հետ` տեղեկանալու համար, թե ինչ տպավորություններ ունեն Արցախի ԱԺ ընտրությունների բուն ընթացքից, ինչպես նաև քարոզարշավից:

Մեր զրուցակիցը նշեց, որ իրենք ընտրությունների ընթացքում եղել են Ստեփանակերտի, Ասկերանի և Շուշիի ընտրատեղամասերում: «Կարող եմ ասել, որ որևէ շոշափելի խախտում չենք արձանագրել: Արցախի ԱԺ ընտրություններն անցան միջազգային չափանիշներին համապատասխան և լեգիտիմության սահմաններում»,- ընդգծեց աբխազ դիտորդը:

Անդրադառնալով քարոզարշավի ընթացքին` նա նշեց, որ իրենք Արցախ են ժամանել վերջին օրերին, սակայն այդ մի քանի օրն էլ բավականացրել է, որպեսզի հասկանան` ինչ զուսպ և օրինակելի քարոզարշավ է եղել: