Միջազգային չափանիշներին համապատասխան հեծանվահրապարակ Հայաստանում

Մալաթիա-Սեբաստիա համայնքում բացվել է նորակառույց հեծանվահրապարակը, որի շինարարությունը սկսվել է 2010թ. հունիսից՝ Երեւանի քաղաքապետարանի եւ «Ռենկո Արմէստեյտ» ՍՊԸ-ի միջեւ կնքված պայմանագրի համաձայն:

Հեծանվահրապարակն ունի 250 մ երկարությամբ վազքուղի, որտեղ կարող են անցկացվել միջազգային մակարդակի տարբեր միջոցառումներ եւ մրցաշարեր։ Հեծանվահրապարակը նախատեսված է 3200 հանդիսատեսի համար։

ՀՀ նախագահ Սերժ Սարգսյանը ներկա է գտնվել նոր մարզական օբյեկտի բացման արարողությանը:

Այն կառուցող իտալական «Ռենկո» ընկերության գլխավոր տնօրեն Ջովանի Ռուբինին վստահեցրել, որ բոլոր առումներով հեծանվահրապարակը համապատասխանում է միջազգային չափանիշներին:

«Սա անկախության տոնին բոլորիս համար մեծ նվեր էր»,- շեշտել է Երևանի քաղաքապետ Կարեն Կարապետյանը: