Գերմանիայի գավաթ. «Բորուսիա»-ն հաղթեց «Բավարիա»-ին և դուրս եկավ եզրափակիչ. Մխիթարյանը` գոլային փոխանցման հեղինակ (տեսանյութ)

Գերմանիայի գավաթի խաղարկության կիսաեզրափակիչ փուլում  Մյունխենի «Բավարիա»-ն սեփական հարկի տակ ընդունեց Դորտմունդի «Բորուսիա»-ին: Հանդիպման հիմնական ժամանակն ավարտվեց 1:1 հաշվով: 30-րդ րոպեին Լեվանդովսկին առաջ մղեց տանտերերին: 75-րդ րոպեին Հենրիխ Մխիթարյանի փոխանցումից հետո Օբամեյանգը հավասարեցրեց հաշիվը: Լրացուցիչ 30 րոպեների ընթացքում նույնպես հաշվի մեջ փոփոխություն տեղի չունեցավ, և թիմերը եզրափակչի մասնակցին որոշեցին 11  մետրանոց հարվածաշարերով, որում ավելի դիպուկ գտնվեցին «Բորուսիա»-ի ֆուտբոլիստները: Դորտմունդյան թիմն եզրափակչում իր մրցակցի անունը կիմանա վաղը, որը կլինի «Արմինիա»-«Վոլֆսբուրգ» զույգի հաղթողը: