Հռոմի պապերն այնքան հեղինակավոր են. Պուտին

Երեկ կայացած «ուղիղ կապից» հետո պատասխանելով լրագրողների հարցին՝ ՌԴ նախագահ Վլադիմիր Պուտինը վստահություն է հայտնել, որ Թուրքիան և Վատիկանը կկարողանան լուծել լարվածությունը, որն առաջացել է Հռոմի պապի՝ Հայոց ցեղասպանության մասին հայտարարությունից հետո. հայտնում է Интерфакс-ը:

«Ես չեմ ցանկանում խառնվել Հռոմի պապի վեճին Թուրքիայի հետ։ Հռոմի պապերն այնքան հեղինակավոր են։ Ես Պապին այնքան հեղինակավոր մարդ եմ համարում աշխարհում, որ նա կկարողանա գտնել միջոց` բացատրվելու մոլորակի բոլոր մարդկանց հետ՝ անկախ նրանց կոնֆեսիոնալ պատկանելությունից»,- ասել է Պուտինը։

Նա  հույս է հայտնել, որ թուրք քաղաքական գործիչները խելամտություն կցուցաբերեն: «Նրանք խելացի մարդիկ են և բավական ճկուն, որ գլուխ հանեն խնդիրներից և դրանց առաջացման դեպքում լուծեն»,- ասել է նա: