Facebook-ն ավելի հեղինակավոր է, քան...

Ինտերնետային հետազոտությունների Experian Hitwise ընկերությունը հայտարարել է, որ հունվարին Միացյալ Թագավորությունում  Facebook-ի օգտագործումը ողջ օնլայն տրաֆիկի 12.46 տոկոսն է կազմել:

Սա համարժեք է 2.4 միլիարդ հիթի, կամ Facebook-ի այցելությունները կազմել են բոլոր կայքերի այցելությունների 1/8 մասը: Այս թիվն ավելի մեծ է, եթե համեմատում ենք ժամանցային կայքերի, այդ թվում` պոռնո կայքերի թրաֆիկի հետ, որը 12.18 տոկոս է կազմում:

BBC-ն հաղորդում է, որ սոցիալական ցանցի նման տարածվածություն դեռ չի եղել: Experian Hitwise հետազոտությունների գծով ղեկավար Ռոբին Գոադն ասել է. «Մինչ սոցիալական ցանցերը մրցակցում են միմյանց հետ օգտվողներ գրավելու համար, օգտվողները փորձում են իրենց ներկայությունն ապահովել տարբեր ցանցերում: Ութից մեկը փորձում է հաջորդաբար լինել բոլոր կայքերում: Facebook-ն, օրինակ, բանալի է ավելի փոքր սոցիալական ցանցեր մտնելու համար, այնինչ` յուրաքանչյուր 5-րդը թողնում է Twitter-ը` այլ կայքեր մտնելու համար»:

Միացյալ Թագավարությունում Facebook օգտագործողների թիվը 30 միլիոնի է հասնում: