Թուրքիայում հայկական գերեզմանատան ավերակների վրա խնջույք են անում

Անկարայում հայերից մնացած գերեզմանատունն ավերվում է գանձ որոնողների կողմից, ոսկորները ցիրուցան եղած վիճակում են:

Hye Tert-ի հաղորդմամբ՝ գերեզմանատունն օգտագործվում է անգամ որպես խնջույքի վայր:

Սինջանի Յենիքնեթ շրջանին կից հայերից միայն այս գերեզմանոցն էր մնացել: Մինչ այդ Սինջանի քաղաքապետարանը նորմալ պահպանված տապանաքարերը քաղաքապետարանի պարտեզ էր տեղափոխել և բացօթյա թանգարան բացել: Ավելի ուշ, ըստ պնդումների,  տապանաքարերն այնտեղից հանվել և տարվել էին Անատոլիայի քաղաքակրթությունների թանգարան:

Կայքը տեղեկացնում է, որ մի քանի տարի առաջ գերեզմանատան շրջակայքը ցանկապատվել էր, սակայն ցանկապատն ավերվել է, ու գերեզմանները պղծվել են գանձ որոնողների կողմից: