Ուզում է 2 տեքստ լինի, ուզում է` 12, մենք քննարկումների դաշտ չենք մտնում. Արմեն Մարտիրոսյան

«Ժառանգություն» կուսակցության փոխնախագահ Արմեն Մարտիրոսյանը, Yerkir.am-ի հետ զրույցում, պատասխանելով հարցին, թե հնարավոր համարո՞ւմ  է սահմանադրական փոփոխությունների տեքստի երկու  տարբերակի առկայությունը, ասաց. «Մենք դա ոչ մի կերպ չենք գնահատում, որովհետև մենք այդ փուլին չենք հասել: «Ժառանգությունը» բովանդակային քննարկումների մեջ չի մտնում` մինչև չընդունվեն «Ժառանգության» ներկայացրած առաջարկները: Ուզում է 2 տեքստ լինի, ուզում է` 12 տեքստ, միևնույն է, մենք քննարկումների դաշտ չենք մտնում: Իսկ այդ առաջարկներն այս պահի դրությամբ չեն ընդունվել»:

Նշենք, որ «Ժառանգության» առաջարկներն են` անցում 100 տոկոսանոց համամասնական ընտրակարգին, ընտրացուցակների հրապարակման հետ կապված օրենսդրական նախաձեռնություն և դրա ընդունում, ընդդիմությանը որոշակի վերահսկողական լծակների տրամադրում և արտահերթ ընտրություններ` սահմանադրական փոփոխություններից հետո: