Չի բացառվում, որ լինի սահմանադրական փոփոխությունների երկրորդ տեքստ

Այսօր ԱԺ ԲՀԿ խմբակցության պագամավոր Միքայել Մելքումյանը լրագրողների հետ զրույցում անդրադարձավ ներքաղաքական հարցերին: Խոսելով սահմանադրական փոփոխությունների, դրա համատեքստում վերջերս ՀՀ նախագահի հետ հանդիպման մասին` նա նշեց, որ նախագահի հետ հանդիպումից հետո ԲՀԿ-ն հանդես եկավ հայտարարությամբ, որ իր տեսակետը սահմանադրական փոփոխությունների հետ կապված չի փոխում:

«Այդ հանդիպման ժամանակ պարզ դարձավ, որ կան մտահոգություններ սահմանադրական փոփոխությունների մասով, և չի բացառվում, որ կլինի սահմանադրական փոփոխությունների երկրորդ տեքստը, որը կողմ կլինի կիսանախագահական կառավարման համակարգին: Արդիական է մնում հարցը, թե ներքին ու արտաքին անկայունության ժամանակ ո՞վ է որոշում կայացնելու` վարչապե՞տը, ԱԺ նախագա՞հը, թե՞ ՀՀ նախագահը, ով առաջնային մանդատ չի ունենալու: Այնպես որ`  կլինի երկրորդ տեքստը, նոր կմտածենք գործընթացին մեր մասնակցության բովանդակության մասին»,- ասաց Միքայել Մելքումյանը: