Փոխարժեքներ
21 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
«Բոլորի մասին նույնը չեմ կարող ասել, բայց ես նորմալ աշխատում եմ»,- խոսելով «Կենտրոն» հեռուստաընկերության կադրերի վերանայման հավանականության մասին՝ Yerkir.am-ի հետ զրույցում ասաց հեռուստաընկերության «Ուրվագիծ» հաղորդման հեղինակ, վարող Պետրոս Ղազարյանը:
Նա անդրադարձավ նաև այն դիտարկումներին, թե իր հաղորդման շրջանակներում վերջին շրջանում հին տեսագրություններ են ցուցադրվում: Մասնավորապես` նախորդ հանդիպման հյուրը պետք է լիներ ԱԺ պատգամավոր Ալեքսանդր Արզումանյանը, մինչդեռ հին տեսագրություն է ցուցադրվել եթերում: «Ասեմ, որ երկուշաբթի հյուրընկալելու եմ ԱԳՆ նախարարի տեղակալին, իսկ արդեն երեքշաբթի՝ Ալիկ Արզումանյանին: Ասեք, թող հանգստանան»,- նշեց հեռուստամեկնաբանը:
Իսկ հարցին, թե ինչո՞վ է պայմանավորված «Կենտրոն» հեռուստաընկերության` վերջին օրերի «մեղմ» լրատվությունը, Պետրոս Ղազարյանը պատասխանեց. «Ես լրատվության մասով իրավասու չեմ որևէ բան ասելու»:
Հիշեցնենք, որ «Հրապարակ» օրաթերթն այսօր գրել է «Կենտրոն»-ի՝ հնարավոր վաճառքի մասին, եւ որ լրատվականի ղեկավար Իվետա Տոնայանն ազատվել է աշխատանքից: Նշենք, որ նա արդեն մի քանի օր է՝ չի պատասխանում հեռախոսազանգերին: