«Ուլիս»-ը ոչ-ոքի խաղաց ղազախական թիմի հետ

Երևանի  «Ուլիս»-ը  Անթալիայում շարունակում է ուսումնամարզական հավաք անցկացնել: Գագիկ Բարսեղյանի թիմն այսօր 4-րդ ստուգողական հանդիպումն անցկացրեց, այս անգամ մրցելով  Ղազախստանի բարձրագույն խմբի ներկայացուցիչ «Կայսար»-ի  հետ:

Բարձրագույն խմբի ընթացիկ առաջնության առաջատարն  արդեն չորրորդ անընդմեջ խաղում չկարողացավ գրավել մրցակցի դարպասը, սակայն այս անգամ երևանցիները նաև անառիկ պահեցին սեփական դարպասը: 

Ինչպես հաղորդում է   երևանյան  ակումբի մամուլի ծառայությունը,  թիմում շարունակվում են բազմաթիվ ֆուտբոլիստների փորձարկումները, սակայն դեռևս նոր պայմանագիր չի ստորագրվել:

Հաջորդ հանդիպումը «Ուլիս»-ը անցկացնելու է փետրվարի 3-ին՝բԲուլղարական «Լևսկիի» հետ:  Այդ օրը մրցելու պայամանավորվածություն է ձեռք բերվել երեկ:

Հիշեցնենք, որ նախորդ 3 խաղերում  «Ուլիս»-ը պարտվել էր «Լոկոմոտիվ»-ին, «Վոլգար»-ին, և «Միլսամի»-ին: