Ի՞նչ գործ ունեին Ուկրաինայից ժամանած երկու քաղաքացիները Գյումրիի երեկվա ակցիային

 

 

 

Նրա խոսքով` Շիրակի մարզի որևէ բնակիչ սրբազանի վրա միանշանակ կրակայրիչ, քար ու կոպեկ չէր նետի: «Մենք ինչքան էլ որ վերահսկողությունից դուրս գանք, մեր սրբություններին ուրիշ կարգի ենք վերաբերվում»,- ասաց նա` հավելելով, որ խառնաշփոթը սկսվեց այն պահից, երբ ինչ-որ տաքսու վարորդ, ով հայտնի չէ` Գյումրիից էր, թե` ոչ, ցանկացավ մեքենան քշել ոստիկանների վրա:

 

Արա Նախշքարյանը նաև նշում է, որ Գյումրու ցույցը ինքնաբուխ էր, հավաքվածները լի էին ցասումով, որովհետև նրանց հանգիստ չէր տալիս փոքր երեխաներին դանակահարելու փաստը:

 

«Ճիշտ է, բոլոր զոհերի համար էլ ցավում էին, բայց բոլորը դարդոտ էին հիմնականում երկու տարեկան երեխային սպանելու եւ մի քանի ամսական Սերյոժային սպանելու փորձի համար: Ու այդ պահին ոչ մեկին չէր հետաքրքրում, թե, ասենք, Գևորգ Կոստանյանը Սուրիկ Խաչատրյանին ազատ է արձակել: Այդ հարցն այդ տեղում բարձրացնելու տեղ չէր»,- նշեց Արա Նախշքարյանը եւ հավելեց, որ գյումրեցիների նպատակը մեկն է: