Հայհոյանքների տարափ՝ ռուսական ռազմաբազայի մոտ

Գյումրիում` 102-րդ ռուսական ռազմաբազայի մոտ, ցուցարարների ու ոստիկանների միջև անկանոն բախումներ են սկսվել: Ցուցարարները, ճեղքելով ոստիկանական պատը, ներխուժել են ռազմաբազա:

Մինչ այդ ցուցարարները նպատակ չունեին մտնել ռազմաբազա, սակայն պահանջում էին, որ ռազմաբազայի ներկայացուցիչները դուրս գան ու պատասխանեն իրենց բազմաթիվ հարցերին: Սակայն ոչ ոք այդպես էլ դուրս չեկավ, և ցուցարարները որոշեցին ճեղքել ոստիկանական պատը:

Իրավիճակը թեժացավ, ցուցարարները սկսեցին հայհոյանքներ տեղալ  ու ուժ գործադրել: Նրանց հաջողվեց ճեղքել ոստիկանական պատը և ավելի մոտենալ ռազմաբազային:

Հայտնի է, որ ոստիկանական նոր խմբեր են շարժվում Երևանից Գյումրի` կանխելու հետագա բախումները:

Ռազմաբազայի մուտքի մոտ ոստիկանությանը հաջողվել է ռուս զինվորների հետ կրկին պատ կազմել: Սակայն կրքերը թեժացել են, բորբոքված մարդիկ հայհոյանքների տարափ են տեղում: