Փարիզում ահաբեկիչներին ձերբակալելու ժամանակ երկու մարդ է զոհվել

Փարիզի ներքին գործերի նախարարությունը չի հաստատում այն տեղեկությունը, համաձայն որի` Charlie Hebdo-ի վրա ահաբեկչության կասկածյալներ Քուաշի եղբայրները պատանդներ են պահում: Այդ մասին հաղորդում է ՌԻԱ «Նովոստի»-ն:

Փախուստի մեջ գտնվող ահաբեկիչները գտնվում են Փարիզի արվարձաններից մեկում:

«Արդյո՞ք նրանք պատանդներ են պահում: Ներկա պահին չենք կարող հստակ պաշտոնապես հաստատել»,- ասել է նախարարության ներկայացուցիչ Բրանժեն:

Ավելի վաղ ֆրանսիական լրատվամիջոցները գրում էին, որ ահաբեկիչները մեկ պատանդ են պահում:

BFMTV հեռուստաընկերության և «Ֆրանս-պրես» գործակալության հաղորդմամբ` ահաբեկիչներին չեզոքացնելու գործողությունների ժամանակ փոխհրաձգություն է սկսվել Փարիզի 20-րդ թաղամասում գտնվող մի խանութի մոտ, որի ժամանակ զոհվել է ամենաքիչը երկու մարդ: