Վարդան Պետրոսյանի վատառողջ լինելու պատճառով դատական նիստը հետաձգվեց մինչև հաջորդ տարի

Դերասան վարդան Պետրոսյանի գործով դատավարությունը, որ մեկնարկել է այս տարի ապրիլին և արդեն մոտենում էր իր տրամաբանական ավարտին, այս տարի այդպես էլ չի ավարտվի. գրում է «Փաստինֆո»-ն:

«Այսօր նշանակված դաստական հերթական նիստը, որի ընթացքում սպասվում էր մեղադրող դատախազի մեղադրական ճառն ու Վարդան Պետրոսյանի վերջին խոսքը, հետաձգվեց անորոշ ժամանակով: Պատճառը, ինչպես մեզ հետ զրույցում նշեց Վարդան Պետրոսյանի փաստաբան Նիկոլայ Բաղդասարյանը, Վարդան Պետրոսյանի վատառողջ լինելն է, քանի որ հնարավոր չի եղել ապահովել նրա ներկայությունը դատարանում: Թե ինչ առողջական խնդիր ունի Վարդան Պետրոսյանը, փաստաբանն առայժմ չասաց` հավելելով, որ դա պարզ կդառնա միայն բժշկի այցելությունից հետո»,- գրում է կայքը:

Մանրամասն՝ սկզբնաղբյուրում: