Արսեն Բաբայանի դատական նիստը հետաձգվեց. մինչև վաղը հնարավոր է նրա նկատմամբ մեղադրանք առաջադրվի

Արսեն Բաբայանի ձերբակալությունը ոչ իրավաչափ ճանաչելու մասին բողոքի քննությունը դատարանը  հետաձգեց: Այն կկայանա վաղը` հոկտեմբերի 23-ին ժամը 17:40: Փաստաբան Լուսինե Մարտիրոսյանը Yerkir.am-ին հայտնեց, որ դատարանը պատճառաբանել է , որ  քննչական գործողություններ է իրականացվում: Մինչ վաղվա  դատական նիստը հնարավոր է ՀՀ ԱԺ աշխատակազմի ղեկավարի նախկին տեղակալ Արսեն Բաբայանին մեղադրանք առաջադրվի:

Ավելի վաղ տեղեկացրել էինք, որ երեկ մուտք էր արվել բողոք՝ ՀՀ ԱԺ աշխատակազմի ղեկավարի նախկին տեղակալ Արսեն Բաբայանի ձերբակալումը ոչ իրավաչափ ճանաչելու համար:

ՀՀ ԱԺ աշխատակազմի ղեկավարի նախկին տեղակալ Արսեն Բաբայանը ձերբակալվել է ՀՀ քրեական օրենսգրքի 314-րդ հոդվածի 1-ին մասով նախատեսված հանցավոր արարք կատարելու կասկածանքով: