Դավութօղլուի կինը «արդար և նրբանկատ է» որակել ամուսնուն

Թուրքիայի վարչապետ Ահմեդ Դավութօղլուի կինը՝ Սարե Դավութօղլուն, ով մասնագիտությամբ բժիշկ է, հարցազրույց է տվել Milliyet պարբերականին:

Գլխաշոր կրելու պատճառով դպրոցական տարիներին կրած դժվարությունների մասին խոսելիս Սարե Դավութօղլուն ասել է. «Սպորտի դասերին գրեթե չէի մասնակցում: Կարճ շորտերով էին դասին հաճախում, և հայրս թույլ չէր տալիս մասնակցել դրանց»:

Հարցին, թե ինչպե՞ս կբնութագրի Ահմեդ Դավութօղլուին, կինն ասել է. «Աշխատասեր, մտերիմ, արդար և նրբանկատ»: Իսկ վարչապետը սպորտով զբաղվո՞ւմ է: «Նա շատ լավ ըմբիշ է և լավ ֆուտբոլ է խաղում: Սակայն այս շրջանում չի կարողանում սպորտով զբաղվել»,- ասել է կինը:

Նա դժգոհել է նաև այն իրավիճակից, որ ամուսնու՝ վարչապետ նշանակվելուց հետո կրկնապատկվել է մարդկանց հետաքրքրությունը նրա հանդեպ` ամենուր ցանկանում են լուսանկարվել Դավութօղլուի հետ: