Ընտանեկան վեճից հետո կինը հեռացել է տնից, իսկ ամուսնուն գտել են կախված

Օգոստոսի 21-ին` ժամը 21:39-ին, ահազանգ է ստացվել, որ Ռոստոմի փողոցի թիվ 67 տան բնակիչը չի արձագանքում դռան թակոցներին և հեռախոսազանգերին. դուռը բացելու համար անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ: Փրկարարները բացել են տան դուռը, տան մոտակա խորդանոցում, կախված վիճակում, հայտնաբերել են 1955 թ. ծնված Հ. Բ.-ի դին:

Shamshyan.com-ից տեղեկանում ենք, որ մահացածը նշված տան բնակիչ` 62-ամյա Հայկ Բ.-ն է, ով բնակվելիս է եղել կնոջ հետ: Ըստ դեպքի վայրում հավաքվածների` օրեր առաջ նրա և կնոջ միջև ինչ-որ հարցի շուրջ վիճաբանություն է տեղի ունեցել, և կինը հեռացել է տանից, իսկ այսօր ամուսնուն փրկարարներն ու ոստիկանները հայտնաբերել են կախված` խորդանոցում: