Արամ Մանուկյանի վրա հարձակվողը հովանավորվում է իշխանությւոնների կողմից. Գագիկ Ջհանգիրյան

Այսօր լրագրողների հետ զրույցում ՀԱԿ խմբակցության պատգամավոր Գագիկ Ջհանգիրյանը, խոսելով ՀԱԿ խմբակցության քարտուղար Արամ Մանուկյանի նկատմամբ իրականացված բռնարարքի մասին, նշեց, որ իրավապահ մարմինները ոչ ադեկվատ են արձագանքել այդ դեպքին:

«Այս արարքը կարելի է որակել 113-րդ հոդվածի 1-ին մասով: Ձերբակալել և երկու օր հետո բաց թողնել այդ հանցագործին` ոչ միայն իրավաբանորեն է սխալ, այլև ցույց է տալիս, որ հանցագործը հովանավորվում է իշխանությունների կողմից»,- ասաց նա:

Ջհանգիրյանը հավելեց, որ նման հարձակումների նպատակը վախեցնելը, ահաբեկելը, պայքարից հետ պահելն է։ «Երեկ եմ հանդիպել: Արամ Մանուկյանը վախեցած չէր։ Բռնություններով մինչև հիմա պահել են իշխանությունը, բայց բռնությամբ իշխանափոխություն իրականացնելու տարբերակը մենք չենք քննարկում»,- ասաց պատգամավորը: