Ավտովթար` Էջմիածին-Երևան ճանապարհին. կա տուժած

Դեկտեմբերի 16-ին, ժամը 03.31-ին ահազանգ է ստացվել, որ Էջմիածին-Երևան ավտոճանապարհին բախվել են «Աուդի» և «ՎԱԶ-21010» մակնիշի ավտոմեքենաները, կան տուժածներ, անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ: Դեռևս չբացահայտված հանգամանքներում Մ 5 միջպետական ավտոճանապարհի Երևան-Էջմիածին հատվածի 10-րդ կմ-ի մոտակայքում բախվել են «Աուդի» մակնիշի 34 AN 478 պետհամարանիշով (վարորդ Մ. Հ.) և «ՎԱԶ-21010» մակնիշի 01 DR 022 պետհամարանիշով ավտոմեքենաները. վերջինիս ուղևոր Է. Ս.-ը (ծնվ.1994 թ.) մինչ հրշեջ-փրկարարների կանչի վայր հասնելը տեղափոխվել է «Էրեբունի» բժշկական կենտրոն:

Ըստ բժիշկների` տուժածի առողջական վիճակը գնահատել բավարար է: Հրշեջ-փրկարարները փակել են ավտոմեքենաների գազի փականները և իրականացրել հոսանքազրկման աշխատանքներ: