Խոշոր ավտովթար՝ Արագածոտնում․ բախվել են Արթիկ-Երևան երթուղու «Գազել»-ը ու «ԳԱԶ 69»-ը, կա 8 տուժած

Այսօր  ճանապարհի մերկասառույցի պատճառով խոշոր ավտովթար է տեղի ունեցել Արագածոտնի մարզում։ Shamshyan.com-ի հաղորդմամբ, ժամը 12։30-ի սահմաններում Երևան-Վանաձոր ավտոճանապարհի Ալագյազ բնակավայրի վարչական տարածքում բախվել են մարդատար «Գազել» ու «ԳԱԶ 69» մակնիշի ավտոմեքենաները։

Վթարի հետևանքով տուժել է 8 հոգի, որոնց առաջինը օգնության են հասել քաղաքացիները։ Նրան տեղափոխվել են «Ծաղկահովիտ» բժշկական կենտրոն։ 

Բախման հետևանքով «ԳԱԶ 69»-ը դուրս է եկել երթևեկելի գոտուց, հայտնվել դաշտում, իսկ «Գազել»-ը սպասարկում է Արթիկ-Ապարան-Երևան թիվ 355 երթուղին և մասամբ հայտնվել է ճանապարհի մեջտեղում։

Ֆոտոլրագրողը հայտնում է նաև, որ ճանապարհին եղել է մերկասառույց։