2014-ին 128 լրագրող է սպանվել

PEC 2014-ը զեկույց է հրապարակել, որում նշել է 2014 թվականին աշխարհում սպանված լրագրողների թիվը. հայտնում է «Ակօս»-ը:

Զեկույցի համաձայն՝ այս տարվա ընթացում 32 երկրներում սպանվել է 128 լրագրող: Ցուցակում Գազայի հատվածը զբաղեցնում է առաջին հորիզոնականը, որտեղ 2014 թվականին սպանվել է 16 լրագրող: Հաջորդը Սիրիան է, այնտեղ սպանվել է 13 լրագրող, իսկ Պաղեստինում՝ 12:

Իրաքը զբաղեցրել է 4-րդ հորիզոնականը՝ որպես երկիր, որտեղ լրագրությամբ զբաղվելն ամենավտանգավորն է՝ հաշվի առնելով նաև ԻՇԻՊ-ի հարձակումների ժամանակ սպանված 10 լրագրողներին:

Ինչ վերաբերում է Ուկրաինային, այս տարի 9 լրագրող է մահացել, որոնցից 4-ը՝ ռուս: Ցուցակում տեղ են գտել նաև Մեքսիկան, Աֆղանստանը, Հոնդուրասը, Սոմալին, Բրազիլիան, Կենտրոնական Աֆրիկայի Հանրապետությունը, Կամբոջան, Գվինեան, Պարագվայը, Ֆիլիպինները, Բանգլադեշը, Կոլումբիան, Հնդկաստանը, Լիբիան, Պերուն, Թուրքիան եւ Եմենը:

Ըստ զեկույցի՝ Թուրքիայում այս տարվա ընթացքում սպանվել է երկու լրագրող:

Ընդհանուր առմամբ՝ մեծ Միջին Արևելքում սպանված լրագրողների թիվը՝ 46:

Ի դեպ, PEC-ի նախորդ տարվա զեկույցում սպանված լրագրողների թիվը եղել է 129-ը: