Այս տարի արդեն սպանվել է 71 լրագրող

2015 թվականի սկզբից առ այսօր  լրագրղների սպանությունների թիվն ավելացել է 7 տոկոսով. նման տվյալ է ներկայացվում շվեյցարական Press Emblem Campaign կազմակերպության զեկույցում:

Այս տարվա առաջին կիսամյակին սպանվել է 71 լրագրող: Սպանությունների թվի ավելացումը փորձագետները կապում են Մերձավոր Արեւելքում կոնֆլիկտների սրացմամբ:

 Մերձավոր Արեւելքն ու Հյուսիսային Աֆրիկան շարունակում են մնալ լրագրողների համար ամենավտանգավոր կետերը:  Տարեսկզբից այնտեղ արդեն սպանվել է 23 լրագրող: Այդ տարածաշրջանի ամենավտանգավոր երկիրը Լիբիան է, որտեղ ԶԼՄ 8 ներկայացուցիչ է սպանվել:  Եվրոպայում գրանցվել է 13 սպանություն. նրանցից 8-ը սպանվել է Փարիզում` «Շառլի Էբդոյի» գրասենյակում, եւս 4-ը` Ուկրաինայում եւ մեկը` Լեհաստանում: