ԱՄՆ մեկնելը կհեշտանա

Կառավարության այսօրվա նիստում  ԱԳ նախարար Էդվարդ Նալբանդյանը ներկայացրեց նախագիծ, ըստ որի` հունվարի 1-ից Ամերիկայի Միացյալ Նահանգների քաղաքացիների համար կսահմանվի առանց մուտքի վիզայի այցելությունների ռեժիմ: Ամերիկայի Միացյալ Նահանգների քաղաքացիների նկատմամբ մուտքի վիզայի պահանջի վերացումը պայմանավորված է Հայ-ամերիկյան միջկառավարական նիստի արդյունքում ստորագրված գործողությունների ծրագրի 28-րդ կետով, որի համաձայն` երկու կողմերը կվերջնականացնեն վիզայի ազատականացման գործընթացը` հաստատելով ազատ վիզայի ռեժիմ Ամերիկայի Միացյալ Նահանգների քաղաքացիների համար, ինչպես նաև 10 տարի բազմակի մուտքի վիզա Հայաստանի Հանրապետության քաղաքացիների համար:

Նախագծի նպատակն է ազատականացնել մուտքի վիզայի հետ կապված հարաբերություններն ԱՄՆ հետ, նպաստել ԱՄՆ քաղաքացիների` Հայաստան այցերի աճին: