Հայաստանի ազգային հավաքականը Պորտուգալիա կմեկնի նոյեմբերի 12-ի առավոտյան

Նոյեմբերի 14-ին Հայաստանի ազգային հավաքականը կանցկացնի Եվրո-2016-ի ընտրական փուլի հերթական հանդիպումը՝ Ֆարո/Լուլե քաղաքում հյուրընկալվելով Պորտուգալիայի հավաքականին: Այդ հանդիպումներին նախապատրաստվելու համար Հայաստանի ազգային հավաքականը նոյեմբերի 10-ից 12-ը կանցկացնի մարզական հավաք ՀՖՖ Տեխնիկական կենտրոնում՝ Ֆուտբոլի ակադեմիայում: Հայաստանի ազգային հավաքականի գլխավոր մարզիչ Բեռնար Շալանդը հրապարակել է   հավաքականի նախապատրաստական ծրագիրը: Նոյեմբերի 10-ին Հայաստանի ազգային հավաքականը կանցկացնի վերականգնողական մարզում, իսկ նոյեմբերի 11-ին   կանցկացնի երկու մարզում: Նոյեմբերի 12-ի առավոտյան Հայաստանի ազգային հավաքականը չարտերային չվերթով կմեկնի Պորտուգալիայի Ֆարո/Լուլե քաղաք:

ՀՖՖ պաշտոնական կայք