Պայքար` չի նշանակում իշխանափոխություն. Գալուստ Սահակյանի «հայտանագործությունը»

Այսօր լրագրողների հետ զրույցում ԱԺ նախագահ Գալուստ Սահակյանը խոսեց ներքաղաքական հարցերից: Պարզվում է՝ Ծառուկյան-Սարգսյան հանդիպման մասին Սահակյանը տեղեկություն չուներ: Հիշեցնենք, որ այսօր մամուլը գրել էր, որ հանդիպել են ՀՀ նախագահ Սերժ Սարգսյանը եւ ԲՀԿ ղեկավար Գագիկ Ծառուկյանը:

Պատասխանելով հարցին` իսկ կարո՞ղ է հանդիպում լինել, Սահակյանն ասաց, որ Հանրապետականը միշտ էլ բաց է քննարկման համար և չի խուսափում հանդիպումներից, և եթե Գագիկ Ծառուկյանը հանդիպման խնդիր դնի, ուրեմն մերժում չի լինի:

Հարցին, թե ինչո՞ւ իշխանությունը չի նախաձեռնում այդ հանդիպումը, պատասխանեց. «Բայց ի՞նչ ծրագրի շուրջ նախաձեռնենք, այնտեղ ծրագիր չկա, այնտեղ ուղղակի ժողովուրդն է հավաքվել ու ասում է, որ վատ է ապրում»:

Գալուստ Սահակայնի խոսքով` պայքար` չի նշանակում իշխանափոխություն, իսկ իշխանափոխության համար պետք են լուրջ վերլուծություններ, խնդիրներ, ծրագրեր, գործողություններ ու ճանապարհային քարտեզ, որը չկա մինչ օրս: