Սահմանին արտառոց որևէ զարգացում չկա. Դավիթ Բաբայան

Սահմանին արտառոց որևէ զարգացում չկա. yerkir.am-ի հետ զրույցում նշեց Արցախի նախագահի մամլո խոսնակ Դավիթ Բաբայանը:

Հիշեցնենք, որ երեկ Փարիզում տեղի է ունեցել Սարգսյան-Ալիև հանդիպումը: Ըստ Բաբայանի` իրենք պատրաստ են ցանկացած գործողության, քանի որ ամեն օր կարող է ինչ-որ դեպք լինել, քանի որ ադրբեջանական կողմը նման հանդիպումներից առաջ և հետո իրավիճակը փորձում է ապակայունացնել:

«Սրան գումարած` երեկ ԼՂՀ ընդհանուր իրավասության առաջին ատյանի դատարանի Ստեփանակերտի նստավայրում մեկնարկեց ադրբեջանցի դիվերսանտների գործով դատավարությունը։ Բնական է, որ հարևան պետությունը կարող է դիմել սադրիչ գործողությունների, սակայն մենք միշտ պատրաստ ենք նման զարգացումների»,- ասաց ԼՂՀ նախագահի մամուլի քարտուղարը: