Սովորական ընթացակարգ է, արտառոց բան չկա. ՊԵԿ փոխնախագահը՝ Անանյանի հրաժարականի մասին

ՊԵԿ նախագահի տեղակալ Արթուր Մանուկյանն այսօր լրագրողների հետ զրույցում խոսելով Դավիթ Անանայանի հրաժարականի մասին, նշեց, որ ցանկացած աշխատանքի ժամանակ լինում են ինչպես նոր դիմումներ, այնպես էլ ազատումներ և որևէ այլ բան ինքն ասել չի կարող:

«Ներքին խոհանոցի հարց չկա, սովորական աշխատանքային հարաբերություններ են, մարդը կարող է ընդունվել, ազատվել աշխատանքից: Ինչ վերաբերվում է մամուլում շրջանառվող լուրերին, որ Պեկում այլ պաշտոնանկություններ էլ են սպասվում, նշեմ, որ բոլոր տեղակալները շարունակում են իրենց աշխատանքը: Պաշտոնանկությունը ես չեմ ուզում որևէ բանի հետ կապել, առօրյա կյանքի իրավիճակ ու ընթացակարգ է, արտառոց բան չկա: Ես էլ կարող է մի բան անեմ, բայց որևէ մեկին չասեմ, թե ինչու եմ անում, եթե հարմար գտնեմ, կասեմ, եթե ոչ՝ ապա որևէ մեկն ըստ էության իրավունք չունի ասել, թե ինչու ես այդ քայլն անում»,-նշեց նա:

Yerkir.am-ի դիտարկմանը, որ նման պաշտոնից ազատման դիմում ներկայացնող անձը պիտի հասարակությանը տեղյակ պահի պատճառների մասին, Մանուկյանը պատասխանեց.

«Ավելի լավ կլինի հարցերն ուղղեք հասցեատիրոջը: Սովորական աշխատանք է»:

Մանրամասները՝ տեսանյութում.