Թուրքիան սպառել է ԱՄՆ-ի համբերությունը. The Independent

«Վաշինգտոնի համբերությունը՝ Թուրքիայի դիմադրության հարցում, սպառվել է: Այդ իսկ պատճառով, ԱՄՆ-ը, փոխելով իր քաղաքականությունը, օդային միջոցներով զինում է քրդերին Քոբանիում»,- հայտնում է թուրքական T24-ը՝ վկայակոչելով The Independent-ի լրագրող Պատրիկ Քոքբըրնի՝ «Քրդերը կարո՞ղ են ազատագրել Քոբանին» հոդվածը:

Շեշտելով, որ Քոբանիում քրդական ուժերը Թուրքիայի կողմից «ահաբեկիչ» են անվանվում, Քոքբըրն իր հոդվածում գրել է. «Չնայած դրան՝ ԱՄՆ-ի քաղաքական որոշման կտրուկ փոփոխությունը ցույց է տալիս, որ ԱՄՆ-ն անմիջականորեն համագործակցում է քրդերի հետ»:

Այնուհետև հոդվածագիրը շարունակում է. «Վաշինգտոնի համբերության բաժակը լցվել է Թուրքիայի՝ Քոբանիի իրադարձություններին վերջ տալու համար միջոցներ չձեռնարկելու պատճառով»:

Հիշեցնելով Էրդողանի՝ «Քրդական բանվորական և Դեմոկրատական կուսակցությանների միջև տարբերություն չկա» խոսքերը, Քոքբըրնը հայտել է, որ դա է եղել Բարաք Օբամայի՝ Էրդողանին զանգահարելու պատճառը: