ՕԵԿ-ը կմասնակցի՞ ոչ իշխանականների կազմակերպած հանարահավաքին

Այսօր` խորհրդարանական ճեպազրույցների ժամանակ, ՕԵԿ խմբակցության պատգամավոր Հովհաննես Մարգարյանը, պատասխանելով այն հարցին, թե ՕԵԿ-ը մասնակցելո՞ւ է հոկտեմբերի 10-ին երեք ուժերի կողմից հրավիրված հանրահավաքին, չբացառեց, որ որոշ ՕԵԿ-ականներ մասնակցեն այդ հարահավաքին: Նա նշեց, որ ՕԵԿ-ը դրական է վերաբերվում երեք ուժերի կողմից կազմակերպվող հանրահավաքներին, որովհետև այդտեղ քննարկվելու են կարևորագույն հարցեր:

«Հանրահավաքի հետ կապված` մենք որևէ հրավեր չենք ստացել, ՕԵԿ-ականները ազատ են մասնակցելու այդ հանրահավաքին: Այս պահի դրությամբ դեռ առաջարկ չենք ստացել` հանրահավաքին մասնակցելու, կլինի, կքննարկենք: Անձամբ կմասնակցեմ, եթե այդ օրը Երևանում լինեմ»,- ասաց Հովհաննես Մարգարյանը: