Թուրքական պարբերականը photoshop-ով «լցրել» է Էրդողանի ելույթի ժամանակ դատարկ դահլիճը (լուսանկար)

Արդեն հայտնել ենք, որ Նյու Յորքում Միավորված ազգերի կազմակերպության (ՄԱԿ) Գլխավոր ասամբլեայի 69-րդ նստաշրջանում Թուրքիայի նախագահ Ռեջեփ Թայիփ Էրդողանի ելույթի ընթացքում դահլիճը դատարկ է եղել:

Ըստ T24-ի՝ թուրքական Star պարբերականը Էրդողանի ելույթը տեղադրել է թերթի գլխավոր էջում ՝ դատարկ դահլիճի լուսանկարը «փոխարինելով» լեցուն դահլիճով լուսանկարով:

Կայքի նպատակը եղել է Էրդողանի ճարտարախոսության ունկնդիրների թիվը մեծացնել, սակայն խաբելու փորձը ձախողվել է, եւ այն հայտնվել է ընթերցողների քննադատությունների կենտրոնում:

Հարկ ենք համարում նշել նաև այն փաստը, որ կայքն այնքան է թռիչք տվել երևակայությանը, որ կեղծված լուսանկարի վրա տեղադրել է հետևյալ տողերը՝ «Նախագահ Էրդողանը ՄԱԿ-ին և արևմտյան երկրների հասցեին ծանր մեղադրանքներ է հնչեցրել՝ դրանք շպրտելով նրանց դեմքին»: Սակայն ավելի դիպուկ կլիներ գրել՝ «Էրդողանն ինքն իր համար ելույթ է ունեցել»: