Արտեմ Ասատրյանի պատասխան բոյկոտը` լրագրողներին

Արդարադատության նախարարից հետո այսօր կառավարությունում պետք է տեղի ունենար նաև ՀՀ աշխատանքի և սոցիալական հարցերի նախարար Արտեմ Ասատրյանի մամուլի ասուլիսը` կրկին ՀՀ վարչապետ Հովիկ Աբրահամյանի հանձնարարությամբ: Արտեմ Ասատրյանը նույնպես պետք է ներկայացներ կառավարության նիստում ընդունված որոշումները` մանրամասն:

Արդեն հայտնել ենք, որ լրագրողները թույլ չտվեցին, որպեսզի արդարադատության նախարարի ասուլիսը շարունակվի այն հունով, որով որոշել էր նախարարը, որովհետև, որպես առաջին և հրատապ հարց, պահանջում էին նախարարից կարծիք հայտնել Սյունիքի մարզպետի պաշտոնում Սուրիկ Խաչատրյանի վերանշանակման վերաբերյալ:

Քիչ առաջ կառավարությունում հավատարմագրված լրագրողներին հայտնեցին, որ սոցիալական հարցերի նախարար Արտեմ Ասատրյանը հրաժարվել է ասուլիս տալուց: Փաստորեն, նախարարը լրագրողների բոյկոտին պատասխանեց բոյկոտով: