Երբեք չամուսնանալ. 127-ամյա տատիկի երկարակեցության «գաղտնիքը»

127-ամյա մեքսիկացի Լեանդրա Բեքերրա Լումբրերասը մահից օրեր առաջ հայտնել է իր երկարակեցության «գաղտնիքը»:

Ըստ T24-ի՝ 127-ամյա տատիկը երբեք չի ամուսնացել, սակայն ունեցել է 5 զավակ, 22 թոռ և 55 ծոռ: Նա վստահեցրել է, որ երկարակեցության գրավականը լավ սնվելը, քնելն ու չամուսնանալն է: Լումբրերասի դուստրը պնդել է, որ, չնայած տարիքին, մայրը չի կորցրել իր էներգիան և հիշողությունը:

40 տարի առաջ տեղափոխվելու ժամանակ իր ծննդյան վկայականը կորցնելու պատճառով 127-ամյա տատիկը չի կարողացել ապացուցել իր տարիքն ու արժանանալ «Աշխարհի ամենատարեց կին» կոչմանը, այդ իսկ պատճառով նրա փոխարեն այդ կոչումն է վաստակել ճապոնացի Միսաո Օկովան, ով Լումբրերասից 12 տարի փոքր է: