Շանթ Հարությունյանն առաջարկում է փոխել Էդվարդ Նալբանդյանի անունը

«ՀՀ իշխանությունները հերթական դավաճան քայլն են կատարել` Էրդողանի երդմնակալությանը ուղարկելով Էդվարդ Նալբանդյանին»,- այսօր Կենտրոն և Նորք-Մարաշ վարչական շրջանների ընդհանուր իրավասության դատարանում հայտարարեց նոյեմբերի 5-ի գործով ամբաստանյալ Շանթ Հարությունյանը:

«Նալբանդյանը չուներ մարդկային տարրական արժանապատվություն, որ այդ քայլին չդիմեր»,- ասաց նա և առաջարկեց փոխել նրա անունը «սովետական բոլշևիկ» Ասքանազ Մռավյանի անունով, իսկ Սերժ Սարգսյանին կոչել Մյասնիկյան: Ըստ նրա` դրանով Նալբանդյանը ռուսական պատվեր է կատարել:

«Ես համոզված եմ, որ նրանք, սեփական հասարակությանը դեբիլացնելով, փորձում են արդարացնել իրենց քայլը»,- նշեց Շանթ Հարությունյանը: