Արտաքին գործերի նախարար Էդվարդ Նալբանդյանի տեղակալների կարողությունն ու ֆինանսական աղբյուրները

«Ժողովուրդը» գրում է. «Սկսենք Նալբանդյանի տեղակալ Շավարշ Քոչարյանից: Նա հարկային տարվա սկզբում ունեցել է 700 հազար դրամ, որը, տարվա վերջին ավելանալով դարձել էր 1 մլն 100 հազար դրամ: Բացի այդ՝ Շ. Քոչարյանն ունի նաև 900 եվրո: Մեկ տարվա ընթացքում նա կարողացել է 5 մլն դրամից ավելի գումար վաստակել:

Մյուս տեղակալ Կարեն Նազարյանն ունի 5000 եվրո և 60 հազար դոլար: Գույքի հետ կապված ոչ մի տվյալ նա չի ներկայացրել:

ԱԳ նախարարի մեկ այլ տեղակալ՝ Սերգեյ Մանասարյանը, ոչ մի դրամական միջոց, առավելևս որևէ տեսակի գույք չի ներկայացրել: Իսկ մեկ տարվա ընթացքում նրա եկամտի միակ աղբյուրը եղել է աշխատավարձը:

Նալբանդյանի չորրորդ տեղակալը՝ Աշոտ Հովակիմյանն, ունի 4914 եվրո, 1.940.800 դրամ և 100 հազար դոլար: Մեկ տարվա ընթացքում նա կարողացել է 7 մլն դրամից ավելի գումար վաստակել»:

Մանրամասները՝ թերթի այսօրվա համարում։