Ռուսաստանցիների 11 %-ը Ղարաբաղը Հայաստանի մաս է համարում, 9 %-ը՝ Ադրբեջանի մաս

Ռուսաստանցիների կեսից ավելին (52%-ը) տեղյակ չի եղել օգոստոսի սկզբին ղարաբաղա-ադրբեջանական հակամարտ զորքերի շփման գծում իրավիճակի սրման մասին:Դա են փաստում  օգոստոսի 16-17-ը Հասարակական կարծիքի ուսումնասիրման համառուսական կենտրոնի անցկացրած հարցման արդյունքները:

Միևնույն ժամանակ, հարցմանը մասնակցածների 56 %-ը հնարավոր է համարում հակամարտության խաղաղ կարգավորումը: Ռուսաստանցիների միայն 14 %-ը չի հավատում ղարաբաղյան ճգնաժամից դուրս գալու խաղաղ ճանապարհին:

Հարցման համաձայն՝ Լեռնային Ղարաբաղը Հայաստանի մաս է համարում հարցվածների  11 %-ը, իսկ Ադրբեջանի մաս՝ 9 տոկոսը: Հարցմանը մասնակցածների  53 %-ը դժվարացել է պատասխանել ԼՂ  կարգավիճակի մասին հարցին: