Մարոկկոյի թագավորին շփոթել են հանցագործի հետ

Իսպանիայում քաղաքացիական գվարդիայի աշխատակիցները Մարոկկոյի թագավոր Մուհամմեդ VI-ին մարդկանց առևտրով զբաղվող հանցագործի տեղ են դրել. հայտնում է  РИА Новости-ն:

Միջադեպը տեղի է ունեցել  Մարոկկոյի հյուսիսային ափին գտնվող իսպանական Սեուտա կիսաանկլավում, որտեղ թագավորը հանգստացել է: Իսպանական իրավապահ մարմինների աշխատակիցները խնդրել են նավի վրա գտնվող անձանց՝ թագավորին և նրան ուղեկցողներին, ներկայանալ և փաստաթղթեր ներկայացնել, ինչը զայրացրել է թագավորին:

Իրավապահների նման զգոնությունը պայմանավորված է նրանով, որ վերջին տարիներին այդ շրջանը հայտնի է դարձել մարդկանց առևտրով զբաղվողների և թմրավաճառների շրջանում: